vo to ḳhush-bū hai havāoñ meñ bikhar jā.egā
mas.ala phuul kā hai phuul kidhar jā.egā
ham to samjhe the ki ik zaḳhm hai bhar jā.egā
kyā ḳhabar thī ki rag-e-jāñ meñ utar jā.egā
vo havāoñ kī tarah ḳhāna-ba-jāñ phirtā hai
ek jhoñkā hai jo aa.egā guzar jā.egā
vo jab aa.egā to phir us kī rifāqat ke liye
mausam-e-gul mire āñgan meñ Thahar jā.egā
āḳhirash vo bhī kahīñ ret pe baiThī hogī
terā ye pyaar bhī dariyā hai utar jā.egā
mujh ko tahzīb ke barzaḳh kā banāyā vāris
jurm ye bhī mire ajdād ke sar jā.egā
wo to KHush-bu hai hawaon mein bikhar jaega
masala phul ka hai phul kidhar jaega
hum to samjhe the ki ek zaKHm hai bhar jaega
kya KHabar thi ki rag-e-jaan mein utar jaega
wo hawaon ki tarah KHana-ba-jaan phirta hai
ek jhonka hai jo aaega guzar jaega
wo jab aaega to phir us ki rifaqat ke liye
mausam-e-gul mere aangan mein Thahar jaega
aaKHirash wo bhi kahin ret pe baiThi hogi
tera ye pyar bhi dariya hai utar jaega
mujh ko tahzib ke barzaKH ka banaya waris
jurm ye bhi mere ajdad ke sar jaega
0 Comments